Nook, lector d’e-books

jueves, julio 1, 2010 18:24
Publicado en la categoría purnas

Ya tiengo en o mio poder un Nook que m’han trayito dende Nueva York. O Nook ye lo lector de libros electronicos de Barnes and Noble, una cadena de librerias yanki.

O Nook encara en a caxa

O Nook encara en a caxa

O primer que truca o ficacio ye o suyo poco peso y que ye de buen manullar. Ye facil agafar-lo. En a caxa, amas d’o lector, bi ha un chicot manual, un cable USB, y l’adaptador de corrient. Como ye a version americana (encara no se comercializa en Europa) l’enchufe ye d’os planos, antismas clamaus americans cuan yeran mas cutianos asti.

Tien dos pantallas, una que ye a de tinta electronica, no tactil, y baxo ista, unatra con os menus en color y que si ye tactil. O software ye basau en Android, y ye de raso en angles, y encara no he visto a forma de poder-lo cambear.

A version que en tiengo ye Wifi, una mica mas barata que a version orichinal primera, que ye con 3G y Wifi. O wifi no ha teniu garra problema en conectar-se en o mio rete de casa (Casa Purnas, por si pasaz bell diya por asti). Amas agora han incorporau un navegador web muit basico pero asabelo d’util.

Tien 2 Gb de memoria interna y se puet enamplar con una tarcheta microSD que ye una mica complicau de ficar, porque cal retirar tota la tapa de dezaga l’aparato.

Por o que soi veyendo, os menus son facils de fer  servir, pero o refresco d’a pantalla de tinta electronica va una mica lento, no guaire, pero una mica lento. He prebau con esferentz formatos y leye bien PDF, EPub, PDB y mesmo graficos, pero no puet leyer DOC, TXT, AMZ (d’Amazon) u LRZ (de Sony). Tamien leye MP3 y OGG, asinas que se puet ascuitar mosica mientres leyes.

Se pueden prener notas en os testos y a travies de wifi puet descargar feeds ta leyer-ne. En cheneral, l’emplego ye facil y amas d’os menus, cuenta con un boton d’enchegau y dos ta pasar pachinas a cada costau. A bateria parixe que dura, huei he estau tot lo diya trastiando y nomas ha baxau dica o 98%. Se puet cargar tamien a travies d’USB, que tamien s’emplega ta ficar-ie libros u mosica.

Unaa vegada con o Nook y ta plenar-lo he baxau Calibre (que m’han recomendau via twitter) que ye capable de convertir formatos y chestiona a biblioteca dichital ta sincronizar con o Nook. Por cierto, Ubuntu ha reconoxito sin problemas o Nook a travies d’USB.

Ta emplir de libros o lector he feito servir bells enrastres d’ista dentrada an esplanica d’an se pueden descargar libros. M’ha feito muito goi El Último Libro, por exemplo, d’an he quitau bellas coleccions enteras. Fueras d’ixos enrastres, y una mica mas politizaus, recomiendo os libros electronicos en Creative Commons de Traficantes de Sueños, y tamien a seccion Biblioteca de Emule Rebelde. S’aceutan, profes, mas recomendacions.

Ya tiengo muitas cosas nuevas ta leyer, y encara que soi un romantico que continara mercando libros de paper, cuan viache ya no abre de portiar peso y mas peso, y podre levar tot o que quiera sin bosar facturacion extra.

Puedes dejar una respuesta, o un trackback desde tu sitio.
Tags: ,

2 Respuestas to “Nook, lector d’e-books”

  1. torresburriel says:

    julio 1st, 2010 at 20:24

    Leyendo tu review me he acordado de mi mismo cuando empecé a experimentar las sensaciones de utilizar un ebook (cuando tuve entre las manos en Kindle).

    Estupenda review. Dan ganas de ponerse a leer 🙂

  2. Bitacoras.com says:

    julio 2nd, 2010 at 0:27

    Información Bitacoras.com…

    Valora en Bitacoras.com: Ya tiengo en o mio poder un Nook que m’han trayito dende Nueva York. O Nook ye lo lector de libros electronicos de Barnes and Noble, una cadena de librerias yanki. O Nook encara en a caxa O primer que truca o ficacio ye ……

Dixa un comentario