A liga d’a viella Corona d’Aragon
Domingo, junio 20, 2010 10:04
Agora que ya han rematau as prencipals competicions d’o futbol d’Espanya, y nomas con os equipes d’a viella Corona que chugan en as ligas d’a LFP, ayer pense en fer una clasificacion ucronica de Primera y Segunda Division. No ye un pensamiento orichinal no tos vaigaz a pensar, porque por exemplo Vilaweb fa un seguimient mientres tot l’anyo d’una tamien ucronica Lliga dels Països Catalans, que ye prou similar a ista que pencho yo aqui, pero sin equipes aragoneses. A lo menos lo feba antis, porque no he trobau agora l’enrastre.
En fin, que nomas con os risultatos d’os equipes d’a viella Corona d’Aragon dentre ellos se puet dicir que o Barcelona ese ganau tamien a liga. En Segunda, sin dembargo, os risultatos esen cambeau prou como ta dicir que o Uesca ese feito millor campanya u que l’Hercules no ese ascendiu. Ista ye a clasificacion de Primera y Segunda d’a Liga d’a Corona d’Aragon.
Primera Division
Pos Equipo J G E P Pts.
1 Barcelona 10 6 4 0 22
2 Mallorca 10 4 4 2 16
3 València 10 4 2 4 14
4 Vila- real 10 2 5 3 11
5 Zaragoza 10 2 2 6 8
6 Espanyol 10 1 2 7 5
Segunda Division
Pos Equipo J G E P Pts.
1 Llevant 14 7 5 2 26
2 Nástic 14 7 4 3 25
3 Uesca 14 6 5 3 23
4 Vila-real B 14 6 3 5 21
5 Girona 14 5 3 6 18
6 Elx 14 4 4 6 16
7 Hercules 14 4 3 7 15
8 Castelló 14 2 3 9 9
Creigo que isto ye lo que se puede dicir Esporte-ficcion, encara que a verdat ye que tota ista clasificacion seria real ya que ye feita con os risultatos de verdat d’os partius dentre istos equipes. A la fin parixe que mesmo o Uesca ha feito una buena campanya, tu.
No related posts.
Publicaciones relacionadas que recibes por Yet Another Related Posts Plugin.
Bitacoras.com says:
junio 20th, 2010 at 10:06
Información Bitacoras.com…
Valora en Bitacoras.com: Agora que ya han rematau as prencipals competicions d’o futbol d’Espanya, y nomas con os equipes d’a viella Corona que chugan en as ligas d’a LFP, ayer pense en fer una clasificacion ucronica de Primera y Segunda Divi……
lomarica says:
junio 20th, 2010 at 15:29
Freak!
Rafel says:
junio 21st, 2010 at 8:34
Fa tres años, lo Zaragoza chovenil decidió albandonar lo Grupo Vasco de a División d’Honor Chovenil y pasar-se a o Grupo Catalán (do, por cierto, no chuga lo Barcelona, que lo fa en o Grupo Valenciano), a mayoría de los equipos aragoneses que bi yeran decidioron ir dezaga suya: Casablanca, Amistad y Balsas-Picarral, por contra, lo Montecarlo decidió continar en o Grupo Vasco. Ixa temporada lo Zaragoza (que heba estau campión en o Grupo Vasco) quedó lo seteno, y os atros tres equipos aragoneses baixaron ta Liga Nacional. O Montecarlo continó.
Dende una anvista esportiva, estió mal negocio, en Balsas-Picarral habió una crisis que pa qué (l’año siguient baixemos de Liga Nacional, que iste año hemos recuperau). Si tornamos a puyar ta División d’Honor, yo creigo que o Club decidirá chugar en o Grupo Vasco.
O Grupo Vasco ye fuerza fisica y o Catalán teunica. Os equipos aragoneses gosan ser un promeyo d’amas carauteristicas, y mos va millor o chuego de os vascos, si queremos chugar como os catalans, hemos de puyar o ran de o nuestro fútbol.
Ah! pero fa lo menos 20 años que en Cataluña la Liga Rechional Preferente está semiprofesionalizada, de feito tienen un Grupo que dicen “Liga Catalan”, creigo, entre lo que ye la nuestra Preferent y la Tercera División. Astí cobran mesmo los entrenadors d’alevins.
A estrutura d’un esporte ha de cambear-se sobre l’alacet d’un analís concreto d’ixe esporte, no a partir de as nuestras barucas. Sin analizar a reyalidat no se puede cambear ista, por muitas ideyas que tiengamos.
Ixo sirve tanto ta lo fútbol como ta los “bloques” politicos.