Rudi cavalga

martes, junio 15, 2010 18:10
Publicado en la categoría purnas

Dimpues d’o suyo nombramiento por aclamacion, y dimpues d’aber fuyito d’as suyas responsabilidatz con os aragoneses mesmo en dos ocasions, Luisa Fernanda Rudi que ya leva un tiempo salindo cada diya en l’informatiu d’Aragon Tv ya fa de candidata a la presidencia.

Tien una avantalla a senyora Rudi, y ye que no s’ha d’amagar en un presunto progresismo de salon ta dimpues traicionar-lo. Asinas que ayer, devant a flor y nata d’a dreita sociolochica de Zaragoza y de bells miembros de sindicatos y atros coleutivos, Luisa Fernanda Rudi facio un repaso a la que sera a suya aicion de gobierno.

O resumen ye “medrana”. No ye que en guaires cosas no siga igual que o d’o PSOE y mas que mas d’as linias d’o gobierno PSOE-PAR, pero a dreita espanyola d’Aragon, arroclada arredol d’o PP, ya no tiena garra vergüenya en dicir as suyas politicas mas neoliberals, espanyolistas y privatizadoras que no nunca.

Ta prencipiar, de totas as ditas que facio Joaquin Costa Rudi ha trigau ista, por si no lo tenebaz esclatero: “Somos españoles dos veces porque somos aragoneses”. Tamien dicio frases de Ortega y Gasset y Gracian, ta que se veiga que tiene cultura, be d’estar. De grans estadistas tamien fablo, en concreto, de Jose Maria Aznar y de Mariano Rajoy. Sobre as aicions de gobierno as linias mayestras son istas:

  • Recrexer l’entibo de Yesa, construyir a presa de Biscarrues en o suyo proyeuto inicial
  • Empentar a industria militar ta dar rispuesta a las necesidatz d’a OTAN
  • Aproveitar os servicios sanitarios, tanto publicos como privaus, emplegando as ferramientas mas modernas de chestion d’a sanidat, sin de prechudicios. (A traduccion ye esclatera, privatizacion)
  • Desamens comuns en totas as escuelas, y refirmar a o sector concertau
  • Retallada de consellerias, consellos de redolada y interpresas publicas

O primer programa de gobierno que conoxemos, antis d’as eleucions ya fa ista medrana. O no tos fa medrana una macroprivatizacion d’a sanidat, a empenta d’a industria militar, a construccion de mas entibos, u la retallada de competencias?

Puedes dejar una respuesta, o un trackback desde tu sitio.
Tags: , ,

2 Respuestas to “Rudi cavalga”

  1. Bitacoras.com says:

    junio 15th, 2010 at 18:12

    Información Bitacoras.com…

    Valora en Bitacoras.com: Dimpues d’o suyo nombramiento por aclamacion, y dimpues d’aber fuyito d’as suyas responsabilidatz con os aragoneses mesmo en dos ocasions, Luisa Fernanda Rudi que ya leva un tiempo salindo cada diya en l’informatiu dâ…..

  2. Resumen d’o 2010 en purnas.com | Purnas en o zierzo says:

    diciembre 30th, 2010 at 12:51

    […] 15: Rudi cavalga (1) […]

Dixa un comentario