Zaragoza 2016 y a cultura (o bella cultura)

lunes, junio 7, 2010 17:48
Publicado en la categoría purnas

A inmortal ciudat de Zaragoza quiere ser a capital europea d’a cultura en l’anyo 2016. Lo diz a pachina web d’o Conzello y tamien o sitio oficial d’a candidatura. Ye una mas d’os macroeventos que mos para la ciudat, o que mos quiere parar. Cuan facion a primer intincion se convoco a os ciudadans a dar a suya opinion. Bi’n abio collas de triballo que cordino o periodista Fernando Rivares y l’actuacion mas relevant estio penchar cartels en o Paseo Independencia de Zaragoza. Cartels, que como denuncio Marisancho Menjon teneban graus faltas d’ortotipografia.

Yo no soi en contra de que Zaragoza siga Capital Europea d’a Cultura. Tot lo contrario. Pero que siga una Capitalidat ubierta, que aiga espacios ta totas as culturas, a clasica y no tan clasica, o viello, l’antigo, o moderno y o posmoderno. Que l’aragones tienga presencia dilla d’a presencia testimonial en a web d’o Concello en forma de parola (unica). Que bi aiga espectaculos de carrera que no sigan siempre recreyacions melitars, agora tan de moda en ista nuestra ciudat. Que a ciudat s’impla d’actividatz pero d’aqui a 2016, no nomas ixe anyo.

Allora, charrando d’ixo con Xarxes, me deciba que a capitalidat cultural se fa tamien no trancando salas de conciertos. A zaguera ha estau a Sala DeVizio (podez refirmar contra o suyo trancamient en ista colla de Facebook), pero no ha estau a unica. Dimpues de refirmar o suyo cabo d’anyo o Conzello decidio trancar a Sala Arrebato, por exemplo. A cultura se fa dende totz os ambitos, se fa emplindo espacios, se fa dixando fer a la sociedat civil, se fa rispetando as culturas. Ye verdat tamien que istos zaguers cabos de semana o centro d’a ciudat ha estau a rebutir de chents y actividatz. Ixe puestar que siga o camin ta fer d’ista ciudat un exemplo. Pero ta ixo, abran tamien de rispetar atras luengas (y no retirar cartels que no sigan en castellan), abran de refirmar a qui preba de tener una achenda de conciertos dinna y esferent, abran d’entender que no tota la sociedat s’imple d’arguello en veyer desfilar a buena ripa de chent disfrazada de militar (siga la suya profesion o no) y que ta celebrar a cultura ye millor emplegar a cultura d’a paz y no pas a cultura d’a guerra.

Puedes dejar una respuesta, o un trackback desde tu sitio.

3 Respuestas to “Zaragoza 2016 y a cultura (o bella cultura)”

  1. Bitacoras.com says:

    junio 7th, 2010 at 17:52

    Información Bitacoras.com…

    Valora en Bitacoras.com: A inmortal ciudat de Zaragoza quiere ser a capital europea d’a cultura en l’anyo 2016. Lo diz a pachina web d’o Conzello y tamien o sitio oficial d’a candidatura. Ye una mas d’os macroeventos que mos para la ciudat,……

  2. zgv says:

    junio 7th, 2010 at 19:29

    Por no mencionar también entre otras cosas los museos que han quedado paralizados (Fuego, Ferrocarril…) o el troceamiento del Splash… estos políticos no merecen que la Ciudad sea Capital de la Cultura.

  3. Chorche says:

    junio 7th, 2010 at 19:39

    Cierto, Zgv! Totas ixas cosas fan que siga una mica ridiculo charrar d’a capitalidat europea d’a cultura. No son, ixo si, cosas que no se puedan cambear.

Dixa un comentario