Boton de Facebook en o blog

martes, mayo 11, 2010 15:43
Publicado en la categoría purnas

Imachen d'o blog

Aprobeitando as funcionalidatz d’os retes socials he ficau en o blog o boton “Me gusta” de Facebook. Se diz “Me gusta” y no “me fa goyo” porque Facebook no ha autivau a posibilidat de traducir ta l’aragones o rete, atamas de que, como siempre, bi ha mesmo luengas ficticias que si que son autibadas. O caso ye que o boton se puet emplegar ta que en o tuyo muro pueda amanixer cualsiquier articlo d’iste blog que t’aiga feito goyo.

A potencia d’os retes socials ta espardir informacion ye unica y si foi iste blog ye ta que me leigaz, asinas que creigo que ye una prou buena ferramienta ta compartir os contenius de purnas.com. Si tenez un blog, de totas trazas, podez ficar tamien o boton, no ye guaire deficil y tos servira ta compartir o que deziz o pensaz. Yo he siguiu as instrucions de dos pachinas.

Por un costau a propia documentacion de Facebook sobre l’emplego d’istos plugins an puez configurar o boton como mas t’agane en midas y formas, por atro costau, o tutorial puestar menos tecnico, pero practico d’iste atro blog.

Agora nomas queda que Facebook decida, a la fin, dixar traducir a pachina enta l’aragones ta que o boton pueda estar tamien en ista chicota y polida luenga, como bien luego estaran Ubuntu (que ha estrenau a bersion 10.04), Firefox o Skype, gracias a lo triballo d’a chent de Softaragones, que agora tamien tienen pachina en Facebook, por cierto.

Puedes dejar una respuesta, o un trackback desde tu sitio.

2 Respuestas to “Boton de Facebook en o blog”

  1. Bitacoras.com says:

    mayo 11th, 2010 at 16:06

    Información Bitacoras.com…

    Valora en Bitacoras.com: Aprobeitando as funcionalidatz d’os retes socials he ficau en o blog o boton “Me gusta” de Facebook. Se diz “Me gusta” y no “me fa goyo” porque Facebook no ha autivau a posibilidat de traducir ta l’aragones o ……

  2. Boton de twitter en Wordpress | Purnas en o zierzo says:

    agosto 13th, 2010 at 17:32

    […] ya fa uns meses metie o boton de Facebook ta espardir os contenius d’o blog, agora l’ha plegau o turno a Twitter. Bi eba maneras […]

Dixa un comentario