Dentre nieu y nieu, Aramon, digo…Aragon

jueves, abril 29, 2010 17:14
Publicado en la categoría purnas

Que Aramón ye una tapadera ta fer d’Aragon o “Levante” d’a nieu ya lo sabemos totz. Que os suyos proyeutos, como Castanesa, meten en periglo a pervivencia d’o meyo natural aragones, tamien. Con a puyada global de temperaturas as estacions d’esqui cada vegada son menos rendibles economicament por os gastos d’esplotacion e innivacion artifical. Tamien sabemos ixo. Por exemplo, en o Congreso Mundial de Turismo de Nieve d’Andorra, en 2008 se deciba que en 10 anyos sera complicada a prautica de l’esqui en altarias de menos de 1500 metros (PDF). De feito, a manca de nieu enchegara un proceso de trancamient de estacions. O propio Congreso Mundial de Turismo de Nieve, iste mesmo anyo, fa ni dos semanas, ha dito que s’amenistan estacions mas chicotas ta optimizar os recursos.

Pero en iste pais as cosas parixe que van por atro puesto. O direutor d’Aramon deciba ayer que cal “chunir as estacions de Astun, Formigal y Candanchu” ta estendillar o dominio esquiable y optar, allora, a ixos miticos Chuegos d’ibierno. Ista ye a solucion que planeya lo holding semipublico que chestiona as estacions aragonesas (fueras de, precisament, Astun y Candanchu). U siga, contra o propio sentimient d’o sector d’a nieu de tot lo mundo, reuniu en Andorra, Aramon apuesta por fer de lo Pirineo una macroestacion d’esqui, encara que siga sin de nieu.

O proceso ye esclatero. Si quieren enamplar l’oeste y tamien l’este por Castanesa lo siguient paso ye chunir as dos megaestacions y ya lo siguient, chunir istas, a trabiés de Gran Scala, con Javalambre. Feba tiempos o mio amigo Joaquin Macipe prexinaba un Aragon esdevenidero plen d’augua y con nomas una tuberia por o centro. Yera l’Aragon feito entibo ta amortar atras setz. L’esdevenidero que piensa Aramon ye encara piyor. Dentre nieu y nieu, nomas oficinas de Ibercaja ta recullir dinero (d’a construccion, que no pas de l’esqui, que rematara por dixar de fer beneficios).

Puestar por tot isto, huet la pregunta de l’Heraldo.es en a suya encuesta yera tan pertinent: ¿Ye Mourinho buen entrenador ta o Reyal Madrid?

Puedes dejar una respuesta, o un trackback desde tu sitio.

5 Respuestas to “Dentre nieu y nieu, Aramon, digo…Aragon”

  1. Bitacoras.com says:

    abril 29th, 2010 at 17:20

    Información Bitacoras.com…

    Valora en Bitacoras.com: Que Aramón ye una tapadera ta fer d’Aragon o “Levante” d’a nieu ya lo sabemos totz. Que os suyos proyeutos, como Castanesa, meten en periglo a pervivencia d’o meyo natural aragones, tamien. Con a puyada global de t……

  2. Fernando says:

    abril 29th, 2010 at 17:23

    🙂

    A pesar de lo que se dice el malo de la peli no es Aramón. Es más, aunque no lo parezca es Aramón el que está conteniendo a los malos de verdad…

  3. Chorche says:

    abril 29th, 2010 at 17:26

    Lo disimulan bastante bien. ¿y quién son los malos? Y sobre todo, ¿por qué?. En todo caso, Aramón, con esas declaraciones y planes va contra el propio sector de la nieve. Y si habla el presidente de Aramón, habla Aramón.

  4. O debate sobre l’estato d’Aragon: A charrada de Marcelino Iglesias | Purnas en o zierzo says:

    septiembre 13th, 2010 at 18:35

    […] como a de luengas, un ature que crexe y alacetando o desembolique d’o pais en o turismo d’ibierno (y a destruccion d’o pais), os circuitos de carreras u os proyectos cuasi imposibles como Gran Escala u […]

  5. Á amagatons mos furtan o pais: A Canal Roya | Purnas en o zierzo says:

    abril 1st, 2011 at 17:22

    […] por dencima d’a naturalez os intreses economicos d’un holding que tien os diyas contaus, adedicar o Pirineo a lo monocultivo de l’esqui, ye malfurriar os intreses y diners de totz. […]

Dixa un comentario