Sorolla’t!

lunes, abril 26, 2010 16:04
Publicado en la categoría purnas

Bi ha puestos an te i trobas bien. L’atro diya, puyando enta la “Creu del Llop” a lo costau de Pena-Roja me pensaba que ixe rinconet d’Aragon ye uno d’ixos puestos an me i trobo a gusto. Chent que alza a suya cultura, a suya luenga, a suya manera de veyer lo mundo. Con os suyos problemas y contradicions, ye esclatero, pero fendo colla dentre totz. Un lugar autibo culturalment, an la chent t’aculle sin garra problema y te fa uno mas d’ellos. Profes que os vesitants nomas veyemos a parti buena de tot chunto, pero en contimparacion con as partis buenas d’atros puestos, ye muit buena.

Ha estau un cabo semana que ya querrian atros lugars. Chen de tota la redolada aplegada ta bailar con as suyas gaitas. Collas mosicals tanyendo ta os chobens (y no tan chobens), chent de Catalunya, Pais Valencià y Aragon charrando en a misma luenga (u en atra esferent) que tamien bi eba chent de l’Aragon castellanofablant. Un orache marabielloso y amistatz que se i troban por o camin y que se i tornan importants. Natura y chent y cultura. Iste cabo de semana soi estau en Pena-Roja en o Franja Rock, que no abras visto en os meyos de comunicacion aragoneses atamas de l’esfuerzo zerenyo que fan os de l’Associació de Joves de Pena-Roja ta parar un festival como iste. Nomas queda dicir gracias por l’acullida y tamien por dixar-me fer-me socio de l’Associació, encara que ya no siga tan choben como os mas chobens que i son. Gracias, Pena-Roja. Y como deciba Desideri Lombarte, “Sorolla’t i fes camí”.

 

Puedes dejar una respuesta, o un trackback desde tu sitio.

Una respuesta to “Sorolla’t!”

  1. Bitacoras.com says:

    abril 26th, 2010 at 17:01

    Información Bitacoras.com…

    Valora en Bitacoras.com: Bi ha puestos an te i trobas bien. L’atro diya, puyando enta la “Creu del Llop” a lo costau de Pena-Roja me pensaba que ixe rinconet d’Aragon ye uno d’ixos puestos an me i trobo a gusto. Chent que alza a suya cultur……

Dixa un comentario