1200 anyos caminando por a istoria

Viernes, abril 23, 2010 17:44
Publicado en la categoría purnas

No bi ha alcuerdo d’an viene lo nombre. Tampoco no somos d’alcuerdo en o que somos o dixamos d’estar. Pero somos. Somos dende fa 1200 anyos. Dende ixos tiempos que bi ha una colla de chent a la que la resta d’a chent diz “son d’Aragon”. Y encara somos asti. Caminando por a istoria. Caminando dentre montanyas y disiertos. Caminando dentre bosques y planas. Somos.

Pero de vegadas cal esbiellar o discurso. Dixar de charrar d’o que estiemos y d’o que somos y prencipiar a charrar d’o que queremos ser. Ye tiempo d’esdevenidero. Ye tiempo de pensar, de soniar, de aimar-nos. Ye tiempo de construyir. Cal fer os alazetz aprobeitando ixo que estiemos antis. Ye tiempo d’achuntar o viello con o nuevo.

Lo nuevo y lo viello. Cambeando lo sinyal on Twitpic

Ye tiempo de chitar ta l’aire as banderas viellas y enrestir con as nuevas, ta re-creyar un pais d’iguals, un pais de totz, un pais con tres luengas y un corazon, un pais de montanya y plans, de vals y guembras y de sol y disierto. Un pais an dentremos totz y an que totz mos sintamos arguellosos de i pertenexer.

Entalto Aragón! on Twitpic

Senyals nuevos en balconadas viellas. Chitando os huellos ta devant sin xublidar qui somos, de qui venimos, sin xublidar que dende fa 1200 anyos bi ha una chent que mos decimos aragoneses.

Puedes dejar una respuesta, o un trackback desde tu sitio.

Una respuesta to “1200 anyos caminando por a istoria”

  1. Bitacoras.com says:

    abril 23rd, 2010 at 17:46

    Información Bitacoras.com…

    Valora en Bitacoras.com: No bi ha alcuerdo d’an viene lo nombre. Tampoco no somos d’alcuerdo en o que somos o dixamos d’estar. Pero somos. Somos dende fa 1200 anyos. Dende ixos tiempos que bi ha una colla de chent a la que la resta d’a chent ……

Dixa un comentario