30 anyos no son cosa

viernes, abril 16, 2010 19:02
Publicado en la categoría purnas

Huet o vicepresident d’o Gobierno d’Aragón, José Ángel Biel se trobaba en Zaragoza con milenta mullers de a provincia de Zaragoza. En o discurso ha dito que a muller ha adebantau mas en os zaguers 30 anyos que no pas en os cuatromil d’antis. Dixando a un costau o feito que atamas de zilebrar-se l’auto en Aragon con mullers d’o PAR o contesto de que charraba Biel yera Espanya, a frase m’ha remerau atra que dicio no fa guaire.

Fendo un balance de l’estatuto d’autonomia d’Aragón José Ángel Biel dicio que Aragón eba adebantau mas en os zaguers tres anyos con o nuevo miniestatuto que no pas con os 30 anyos d’0 viello.

O denominador comun d’ixas dos frases son os “30 anyos” que son, manimenos, os 30 anyos que José Ángel Biel ha teniu cargos de responsabilidat en o ta Aragón. Ye por ixo curioso que diga que en istos 4 anyos s’ha adebantau mas con l’Estatuto cuan el estio un d’os que sinyó l’estatuto de l’anyo 82, que mos adugo por o camin d’as rechions y no d’as autonomias, y agora, cuan s’enceta lo camin d’as nacions mos leba por o d’as autonomias, refusando acollir-se a o rechimen foral, u mesmo regalando diners a l’Estau.

Asinas que si en 30 anyos no emos adebantau ye por a suya culpa (dentre atros). Lo mas curioso ye, por atra parti que agora reconoxe que ixos 30 anyos estioron tiempo tresbatiu, tot y que allora no lo deciba. Ye cosa d’a neolengua aragonesa, ixa que leba a dicir tot argüelloso a o nuestro president que o pauto d’as mermas alcordau con l’Estau ye unico en Espanya. Cosa que parixe positiva (a lo menos en iste nuestro Aragon), pero en reyalidat no esclarece si ye buena o dolenta.

Puedes dejar una respuesta, o un trackback desde tu sitio.

2 Respuestas to “30 anyos no son cosa”

  1. Bitacoras.com says:

    abril 16th, 2010 at 19:08

    Información Bitacoras.com…

    Valora en Bitacoras.com: Huet o vicepresident d’o Gobierno d’Aragón, José Ángel Biel se trobaba en Zaragoza con milenta mullers de a provincia de Zaragoza. En o discurso ha dito que a muller ha adebantau mas en os zaguers 30 anyos que no pas e……

  2. chuanrayas says:

    abril 16th, 2010 at 23:40

    O sinyor Biel representa á lo rechionalismo cazurraz més rancio.

Dixa un comentario