Son prebando de biedar que se pueda veyer iste video que contrimuestra o disprecio d’as tropas d’Estatos Unitos por a vida (d’os atros, mas que mas).

O video amuestra l’asesinato de una colla de presonas, dos d’ellas periodistas de Reuters, a sangre freda. Os soldaus “entibocan” as camaras d’os periodistas por fusils. Amás, cuan os ferius preban de salir d’o puesto, continan disparando y arreguindo-se’n.

Fa no guaire un cheneral nortamerican deciba o que pensaba d’os soldaus europeos en o Congreso, y ixo que se suposa que son aliaus. Qué no pensaran d’os que no son soldaus, ni mesmo europeos, u que, piyor encara, son ninos (u siga, chermen de terroristas) u periodistas?

L’achencia Reuters prebó d’aconseguir o video pero nunca no lo tenio. Agora, una filtracion ta wikileaks ha premitiu que a soziedat de tot lo mundo beiga o que paso en iste caso, pero mos premite tamien saber o que podio pasar con Jose Couso, por exemplo.

No related posts.

Publicaciones relacionadas que recibes por Yet Another Related Posts Plugin.