A obsesion identitaria d’o Gobierno d’Aragon

martes, marzo 30, 2010 17:45
Publicado en la categoría purnas

Fa unas semanas o bizepresident d’Aragon (por l’inte) Jose Angel Biel, ha prencipiau una intresant campanya endrezata a la comunicacion dichital. Fueras d’as pocas coincidencias ideolochicas, s’ha de reconoixer que ye un d’os pocos politicos aragoneses que s’ha dezidiu a baxar a charrar con a chen en Twitter, Formspring o a trabiés d’o suyo blog. Cada martes dende Formspring contesta preguntas d’a chen. Huet, dentre atras cosas, ha charrau d’a prosima sentencia d’o Constitucional espanyol sobre l’Estatuto catalan. En a rispuesta de Biel m’ha trucau o ficacio una frase:

Los aragoneses somos plenamente conscientes de lo que somos, de lo que hemos sido y de lo que queremos ser, todo lo demás son pérdidas de tiempo.

Ye una d’as frases tamién preferidas d’o president Iglesias. “Los aragoneses no tenemos problemas identitarios” ha dito en mas d’una y de dos ocasions. Ye a manera d’o Gobierno d’Aragon de rebaxar as tensions nacionals y sobre tot, remarcar a “lealtad” con o Gobierno d’Espanya. “No tenemos problemas de identidad”. Pero ixa frase no ye berdat. Ixa frase no da lo trango siguient. U puestar que l’anterior. Ye cierto que no tenemos problemas d’identidat, porque cadagun tiene la suya, pero ixa ye a trampa d’o Gobierno, que un por un no tiengamos problemas no quiere dicir que toz tiengamos a mesma identidat, que ye o que en o fundo, quieren dicir tanto Biel como Iglesias.

Y no, no tenemos a mesma perceucion d’a identidat en Aragon, o propio barometro que cada tres meses encarga o Gobierno diz que no toz pensamos igual de “que somos” “como somos” o que “mos sentimos”. En o zaguer, y d’as tres opcions que da la encuesta cuasi un 20% diz que ye mas aragones que espanyol, manimenos un 60% que son igual d’espanyols que d’aragoneses y a resta (fueras d’o marguinal ni una cosa ni atra) son ma que mas espanyols que aragoneses.

Puestar que un por un no tiengamos problemas, y de feito, as dos identidaz dominants (aragones y espanyol) tienen un equilibrio mayoritario que no tienen en atros puestos, pero no ye berdat que os aragoneses pensemos toz iguals d’o que somos y d’o que no somos.

Puedes dejar una respuesta, o un trackback desde tu sitio.

2 Respuestas to “A obsesion identitaria d’o Gobierno d’Aragon”

  1. Bitacoras.com says:

    marzo 30th, 2010 at 17:48

    Información Bitacoras.com…

    Valora en Bitacoras.com: Fa unas semanas o bizepresident d’Aragon (por l’inte) Jose Angel Biel, ha prencipiau una intresant campanya endrezata a la comunicacion dichital. Fueras d’as pocas coincidencias ideolochicas, s’ha de reconoixer que ye……

  2. O debate sobre l’estato d’Aragon: A charrada de Marcelino Iglesias | Purnas en o zierzo says:

    septiembre 13th, 2010 at 18:45

    […] cambee guaire. Ista postura, por cierto, ye parellana a la que tiene Jose Angel Biel, y amas, ha estau un alacet d’o Gobierno aragones d’os zaguers anyos. No dar guaire la murga porque l’important, a la fin, ye que no mos creigan unos indepes […]

Dixa un comentario