Os gais son falsos y os europeus tamién, dizen os yankis

viernes, marzo 19, 2010 8:51
Publicado en la categoría purnas

Istos diyas se ye charrando en o Congreso d’Estatos Unitos sobre a posibilidat de sacar a bieda d’a omosecsualidad ubierta en l’exerzito d’ixe pais. Ye o que se conoxe como “Don’t ask, don’t tell”. Ye mui yanki isto. A l’exerzito d’os USA no l’alticama que sigas gai,mientres no lo digas, y sobre tot, no lo amuestres. Agora, l’almenistrazión Obama s’ha proposau dixar ixa hipocresia en casa, y esdebenir un pais moderno, ye dizir, un pais an no importe a secsualidat tuya ta fer o triballo que quieras (encara que siga ir por o mundo imposando a democrazia a bomba pura).

Pero os yankis son yankis, y más que más, ixos educaus en a guerra freda, no tienen tan esclatero que a secsualidat siga un tema pribau y estarian disposaus no nomás a biedar a os omosecsuals (sindicalistas, royos, negros…) en l’exerzito sino mesmo a matar-los por americans dolents.

John J. Sheehan. Foto BBC

 

O cheneral retirau John J. Sheehan, biello comandante d’a OTAN, feba a suya declarazion ayer sobre o tema, y ha dixau claro o que piensa l’America funda sobre a omosecsualidat, os comunistas y mesmo os europeus. O cheneral ha feito carranyar guaire a os olandeses, prenzipal ochetibo d’as suyas creticas, pero de fundo bi ha una cretica contra toz os europeus, más que mas os suyos exercitos y una ambiesta d’a soziedat mas propia d’o sieglo XVI que no d’o sieglo XXI. Isto deziba Sheehan ayere:

Os exerzitos europeus de huet son produto d’a cayita d’a Union Sobietica. Nacions como Belchica, Luxemburgo, Olanda, etzra, creyen de berdat que no amenistan capazidat combatiba en os suyos exerzitos. Como resultau, han declarau un estau de paz y han feito un poder ta fer amables a os suyos melitars. Ixo adibe a sendicalizazión d’os exerzitos. Isto incluye tamién a omosecsualidat, u o suyo focus en operazions de paz, porque ellos no creyen que os alemans tornen a atacar, o que os sobieticos en tornen.

Ta contrimostrar a suya ambiesta mete un exemplo, a matanza de Srebenica en Bosnia.

Cuan os olandeses abioron d’esfender Srebenica contra os serbios os suyos batallons yeran enfeblius, mal comandaus y os serbios dentroron en a ziudat, esposaron a os soldaus olandeses a os postes telefonicos, agaforon a os musulmans y os executoron. A más graniza masacre en Europa dende a Segunda Guerra Mundial.

-¿Y diz que ye porque dentre os olandeses bi eba gais?

Ye una combinazion de fautors, pero si.

Ixe ye o pensamient d’os radicals yankis sobre Europa, os gais y os suyos exerzitos. Os gais son falsos, atamás d’a suya luita por a normalidat, os europeos son falsos, en cuenta de estar chen que ye farta de guerras, y os exercitos son ta matar y no ta esfender a paz. Bueno, en isto zaguero, puestar que sigamos d’alcuerdo.

Puedes dejar una respuesta, o un trackback desde tu sitio.

2 Respuestas to “Os gais son falsos y os europeus tamién, dizen os yankis”

  1. Bitacoras.com says:

    marzo 19th, 2010 at 8:54

    Información Bitacoras.com…

    Valora en Bitacoras.com: Istos diyas se ye charrando en o Congreso d’Estatos Unitos sobre a posibilidat de sacar a bieda d’a omosecsualidad ubierta en l’exerzito d’ixe pais. Ye o que se conoxe como “Don’t ask, don’t tell”. Ye mui yank……

  2. Collateral Murder. Asesinato colateral | Purnas en o zierzo says:

    abril 6th, 2010 at 15:45

    […] no guaire un cheneral nortamerican deciba o que pensaba d’os soldaus europeos en o Congreso, y ixo que se suposa que son aliaus. […]

Dixa un comentario