Ixo que dizen corporatibismo d’a prensa: O caso d’A Muela

miércoles, marzo 17, 2010 18:12
Publicado en la categoría purnas

Ye un puesto común dizir que os periodistas somos corporatibistas, que toz mos esfendemos uns a atros, que mos cubrimos siempre. Pero no se por qué fa un tiempo que isto ya no ye asinas. Huet emos bisto una contrimuestra d’isto. En A Muela a suya alcaldesa, imputada por graus delitos de corrupzión, pero que contina en o cargo, ha feito una rueda de prensa. Con o suyo estilo “fino”, propio de tants mainates, ha dezidiu antis a que meyos dixaba dentrar-ie y a que meyos biedaba a dentrada. Entre istos zaguers, a telebision publica, Aragon Tv, u Periodico d’Aragon u l’Heraldo.

Si esistise ixe corporatibismo, toz os atros meyos no abrian d’aber dentrau tampoco, más que más, por solidaridat con os meyos zensuraus (cal remerar que Aragon Tv mesmo tien una denuncia d’alcaldesa por o suyo programa d’umor Oregón Televisión, en concreto por o bideo “Barbie Pinilla” a lo que siguió “Hija de La Muela“). En cuentas d’ixo, os meyos han dentrau y han dau boz a l’alcaldesa imputada d’A Muela ta esplanicar os suyos plans y as suyas basemias. Caleba? Cal, de feito, conceder a l’alcaldesa menutos d’atencion cuan ye ella a que decide qui puede y qui no puede charrar d’ella?

Puedes dejar una respuesta, o un trackback desde tu sitio.

2 Respuestas to “Ixo que dizen corporatibismo d’a prensa: O caso d’A Muela”

  1. Bitacoras.com says:

    marzo 17th, 2010 at 18:16

    Información Bitacoras.com…

    Valora en Bitacoras.com: Ye un puesto común dizir que os periodistas somos corporatibistas, que toz mos esfendemos uns a atros, que mos cubrimos siempre. Pero no se por qué fa un tiempo que isto ya no ye asinas. Huet emos bisto una contrimuestra dâ…..

  2. Resumen d’o 2010 en purnas.com | Purnas en o zierzo says:

    diciembre 30th, 2010 at 12:49

    […] 17: Ixo que dizen corporatibismo d’a prensa: O caso d’A Muela (1) […]

Dixa un comentario