Un mundo se mos ye indo: Nieus Lucia Dueso

sábado, marzo 6, 2010 21:25
Publicado en la categoría de l'aragonés, purnas

O zaguer 4 de marzo moriba en Balbastro Nieus Lucia Dueso, escritora en chistabín y una d’as vozes mas importants d’a literatura de l’aragonés y d’a dura fayena d’alzar y protechir a luenga. Tos dixo a millor manera de remerar a suya bida, con un poema.

T’aspero

Con l’alma rendida
De tanto asperar-te
Y es güellos perdius
De tanto buscar-te
Me trobo perdida.
No sé a qué man chirar-me.
No sé t’an pegare
Ni tampó qué fere.
Per an espiare
Ni per an correre.

Toz es camins beigo
Igual de imposibles.
Son plens de ixordigas,
Son plens d’artos berdes,
Plens de barzas negras
Y de fornigueres.
I hai que rancar broza
Per tot an que pegues.
Oy, de güena gana
Pegarí ta Franzia
A bé si trobabe
Más luz que en España.

¿T’an bas barrenada?
me gritó una loira.
La paz cal trobar-la
Drento tú amagada.
Que, anque ye la paz
Ye tamién la bida.
Sin fer aparatos
Sin dezir ni un ripio,
Trobarás el cabo
Y el fin del chubillo
Ye bilando Dios
Sin dezir ni un ripio…

No cal que te’l diga
Tiens que presentir-lo.
Te grita aspaziet
Que te quiere muito.
Te’l grita en las cosas
Te’l grita en es fetos
Te’l grita cuan gozas
Te’l grita cuan sufres.
Te’l grita cuan callas
Y, anque fayas ruido.
¿qué foi sin querer-lo?
Más bale morir-se
Que está sin tener-lo.

Que el quiero querrere
Como nadie ha quiesto.
Que’l quiero tenere
Rodiando-me eterno
Per sieglos y sieglos
De eterno consuelo.
¡Bendito sía Dios
que podén querrer-lo!

Dica siempre, Nieus, y grazias por a tuya bida.

Puedes dejar una respuesta, o un trackback desde tu sitio.

4 Respuestas to “Un mundo se mos ye indo: Nieus Lucia Dueso”

  1. Bitacoras.com says:

    marzo 6th, 2010 at 21:28

    Información Bitacoras.com…

    Valora en Bitacoras.com: O zaguer 4 de marzo moriba en Balbastro Nieus Lucia Dueso, escritora en chistabín y una d’as vozes mas importants d’a literatura de l’aragonés y d’a dura fayena d’alzar y protechir a luenga. Tos dixo a millor mane……

  2. Abraco Eterno | Abraço - abraços e beijos says:

    marzo 7th, 2010 at 0:31

    […] Un mundo se mos ye indo: Nieus Lucia Dueso | Purnas en o zierzo […]

  3. Sagardiana says:

    marzo 13th, 2010 at 21:23

    Como buena chen a suya memoria fará onra d’a suya bida. Y en pasar muitos años, a suya letra será leyita por as chenerazións esdebenideras. En isto, Victoria, ganó a baralla d’o tiempo.

  4. Borinot says:

    marzo 14th, 2010 at 13:37

    Escansa en paz, Nieus Luzía, y con es puños pretos. Que a bal de Chistau que tanto bas querer te guarde ta cutio.

Dixa un comentario