A consellera Broto emplega l’aragonés y o catalán en as Cortes

viernes, febrero 12, 2010 19:53
Publicado en la categoría de l'aragonés, purnas

No fa guaire tiempo, en setiembre, se zilebraba o Diya Europeo d’as Luengas. Ixe diya, a consellería de Cultura dezidió que as luengas a remerar yeran totas menos l’aragonés y o catalán. A titular d’a Consellería, María Victoria Broto, mesmo refusaba anomenar por o suyo nombre ixas luengas a custions d’os periodistas sobre la lei de luengas que encara no yera aprebada.

Pero a politica tien istas cosas, y agora, como titular de Cultura, a María Victoria Broto li pertoca esfender a esbafada lei de luengas aprebada por PSOE y CHA, cosa que ha feito carrañar-se i muito a o sozio d’o Gobierno, o PAR y a la dreita españolista, o PP. IU, que botó en contra d’a lei, ha pasau a un segundo plano, porque fer frente común con PAR y PP en custión de luengas ye fer frente común contra a zenzia y a ziudadania aragonesa que no nomás charra castellán.

Güé en as Cortes, y debán d’una pregunta feita por o PP, María Victoria Broto ha esplanicau como estará una mica o desembolique d’a lei y a creyazión d’os organismos que ferán posible ixe desembolique. Pero a sospresa ha estau en rematar o suyo discurso, cuan, fendo onra a las luengas d’Aragón ha feito un chicot discurso primer en catalán y dimpués en aragonés.

 

Un chicot zeño enta la normalizazión de l’emplego d’as luengas aragonesas. Cal beyer agora qui estará o siguién diputau que fa serbir l’aragonés o lo catalán en a camara.

Puedes dejar una respuesta, o un trackback desde tu sitio.

3 Respuestas to “A consellera Broto emplega l’aragonés y o catalán en as Cortes”

  1. Charrabís says:

    febrero 12th, 2010 at 20:12

    ohhhh

  2. aragoneame.com says:

    febrero 12th, 2010 at 21:18

    A consellera Broto emplega l’aragonés y o catalán en as Cortes…

    La normalidad llega a las Cortes de Aragón en forma de guiño a las lenguas minoritarias habladas en Aragón por parte de la Consejera de Cultura….

  3. cherimomo says:

    febrero 14th, 2010 at 1:53

    encara remero as caras d’os suyos compañeros de partiu n’o conzello de zaragoza cuan se’n rediban debán d’un@s mesaches que fablaron n’aragonés n’un pleno… tamién se’n redirán agora?

Dixa un comentario