Por qué no impulsar o dominio d’internet .ara?

Lunes, febrero 8, 2010 18:56
Publicado en la categoría purnas

Yo nunca no he estau masiau partidario d’os dominios cheograficos. Si repleco o rete como un espazio global, ir reproduzindo fronteras estatals o nazionals no parixe un buen camín. Sin dembargo, cal rendir-se a la ebidenzia que toz os gobiernos y instituzions han feito d’os dominios d’internet un d’os suyos caballs de batalla.

Antiparti son os que s’han dau en dizir dominios culturals. O .cat, por exemplo, esiste no pas por una dezisión politica, sino por que a dezisión se prenió en l’Icann tenindo en cuenta o dominio cultural y lingüitico catalán, por o que mesmo instituzions no catalanas stricto sensu, emplegan o .cat.

En Aragón, por l’inte, as instituzions aragonesas han feito serbir asobén os dominios más abituals d’internet, como o .com, pero fa un tiempo que dende o Gobierno d’Aragón se dezidió impulsar l’emplego d’o .es. Ye una dezisión que se puede interpretar de muitas maneras, pero que tamién tiene un sentiu politico.  Pero o que yo quiero (y no estaré o primer, porque ya en han abiu atras propuestas similars) ye apostar por un sentiu estratechico.

Por a creyazión d’un dominio .ara

Impulsar un dominio propio “cultural” como .ara tiene abantallas (y bella desabantalla, pero ixas tos las dixo descubrir a busatros).

  1. Por una banda premite a esferenziazión d’os dominios aragoneses de toz os atros dominios autonomicos españols (fueras d’os catalans que ya tienen o .cat)
  2. Tamién suposaria un zereño inzentibo ta la creyazión de pachinas web, creyando más conzenzia dichital y mesmo identitaria
  3. Premitiría integrar as muestras lingüisticas barias que bi ha en Aragón baxo un mesmo batiaguas cultural, fueras d’as esferenzias de luenga.
  4. La imachen d’Aragón como puntera en o mercau teunolochico seria apuntalada con l’adopzión d’un dominio propio.

Garra d’istas razons ye una razón politica, sino estratechica. Puestar que bi aiga chen que beiga dillá d’a estratechia, no digo que no, pero dentre un dominio .es y un dominio .ara, ya que emos apostau por no emplegar os dominios chenericos como .net o .com siempre ye más esferenziador y por tanto, más imachen de marca apostar por ixo que ye propio y no por ixas atras cosas que podemos compartir y que, por ixo, mos fan uno más d’a ramada.

Puedes dejar una respuesta, o un trackback desde tu sitio.

11 Respuestas to “Por qué no impulsar o dominio d’internet .ara?”

  1. Bitacoras.com says:

    febrero 8th, 2010 at 18:56

    Información Bitacoras.com…

    Valora en Bitacoras.com: Yo nunca no he estau masiau partidario d’os dominios cheograficos. Si repleco o rete como un espazio global, ir reproduzindo fronteras estatals o nazionals no parixe un buen camín. Sin dembargo, cal rendir-se a la ebidenzia q…..

  2. zgv says:

    febrero 8th, 2010 at 20:14

    ARAGÓN CAL TENER ESTENSIÓN PROPIA N’O RETE
    http://inicia.es/de/arebista/paxinas/purnas13.html

    ;-)

  3. Chorche says:

    febrero 8th, 2010 at 20:17

    Sí, a ixo me referiba en o testo con atras iniziatibas. Pero o problema ye que os dominios de dos letras no se son enamplando y que amás o dominio .an ya ye adedicau ta atro país. Sin dembargo o dominio de tres letras .ara tiene más posibilidaz de prenzipiar a emplegarse.

  4. Fokinfer says:

    febrero 8th, 2010 at 20:25

    Ta yo que Galiza tamién tien o .gal 

  5. Chorche says:

    febrero 8th, 2010 at 20:28

  6. zgv says:

    febrero 8th, 2010 at 22:13

    Es casi imposible que concedieran a Aragón un código de 2 letras, porque salvo EU y UK todos están basados en el ISO-3166 ( http://es.wikipedia.org/wiki/ISO_3166 ). Y el ISO para las comunidades autónomas ni siquiera era del todo oficial.

    El otro problema es si el .ARA sería para Aragón, o para el aragonés, teniendo muchas más posibilidades si fuera para el idioma.

  7. JaCordero says:

    febrero 8th, 2010 at 22:28

    Yo lo veo como dominio específico del aragonés, más como algo cultural, permanente, una esencia, un espacio para la lengua… que no algo estratégico, político, cambiante, sometido a modas y criterios de márketing… Y creo que es importante no equivocarse con el uso de la identidad.

  8. zgv says:

    febrero 8th, 2010 at 23:54

    Por cierto Chorche, para cuando un sputnik.cat?? ;-)

  9. Fokinfer says:

    febrero 9th, 2010 at 14:44

    .ara ta Aragón y lo aragonés. Y si no siempre mos quedará fer-nos archentinos y meter lo .ar

  10. Natxo says:

    febrero 10th, 2010 at 0:34

    Crec que per a l’àmbit lingüístic és una meta abastible, Encara que a ulls internacionals, ho han d’aconseguir llengües en molt recorregut, abans. Però a l’àmbit cultural, mirant-ho en ulls internacionals, és encara molt més difícil, per la distància entre la llengua aragonesa i la cultura aragonesa. Suposo que a més, haurie d’estar per la llavor el govern de torn. I malauradament, això encara ho veig més difícil :)

  11. Samuel says:

    diciembre 22nd, 2010 at 13:05

    Me faig eco
    Penso que no ye tan difizil
    Y que ye la UNIVERSITÁ o disidents d´ista univeridá “castallana” de Saragoça, la que es encarregen…cuans diners costa ? quid

Dixa un comentario