Prenzipia a enrestida olimpica

lunes, febrero 1, 2010 19:01
Publicado en la categoría purnas

Güé l’Heraldo d’Aragón adedicaba o 50% d’o periodico a fer campaña a fabor d’as Olimpiadas d’ibierno en Zaragoza. Mesmo feban un present, una pulsereta ta amostrar o refirme a la candidatura. Tamién feban un repaso por bellas caras conoxitas, garra d’as cuals yera contra o proyeuto. Tamién o cabo de semana y atamás de que a Mesa d’as Montañas s’ha trencau por ello, Aragón Telebisión dezidié que o suyo informatibo fese campaña por o recreximién de Cerler por a Val de Castanesa.

O proyeuto se presentó a opinión publica o biernes, diya de fiesta en Zaragoza (pero no en a resta d’Aragón), atamás que qui presentó o proyeuto o fazió en Zaragoza. Iste trango entabán d’una d’as obras más creticadas fazió que a Plataforma d’as Montañas dixés a Mesa d’as Montañas, un organisme creyau ta debatir y que eba alcordau una moratoria sobre o proyeuto dica que se trobés un punto d’alcuerdo dentre as partis.

Ya ha prenzipiau a enrestida por as Olimpiadas d’Ibierno, con lemas como “O Pirineo ye más amán de Zaragoza que de Barzelona”, “Si se fa de manera sostenible sera bueno ta tot Aragón” u “Cal creyar empleyo”. Por exemplo, o Gobierno d’Aragón bosa güé un anunzio (primer gasto publico y os que bendrán) que diz “Bi ha muitos Pirineos, pero o millor ye en Zaragoza-Pirineos 2022”. Nomás bi ha un Pirineo y profés, no ye en Zaragoza. Nomás cal beyer o que estió a Expo 2008, os proyeutos de Formigal, Castanesa o Gran Scala ta pensar que istas Olimpiadas no seran un modelo, prezisamén, de desembolique sostenible. Nomás cal beyer qui ye dezaga para saber o que pasará. Dica ixe inte en que o COI trigue atra ziudat (si no lo fa antis o COE) ya podemos estar paraus ta que mos digan, una begada más, antiaragoneses, antitot y bellas cosas polidas más.

Astí somos.

Puedes dejar una respuesta, o un trackback desde tu sitio.

4 Respuestas to “Prenzipia a enrestida olimpica”

  1. Bitacoras.com says:

    febrero 1st, 2010 at 19:02

    Información Bitacoras.com…

    Valora en Bitacoras.com: Güé l’Heraldo d’Aragón adedicaba o 50% d’o periodico a fer campaña a fabor d’as Olimpiadas d’ibierno en Zaragoza. Mesmo feban un present, una pulsereta ta amostrar o refirme a la candidatura. Tamién feban un repaso por bellas…..

  2. torresburriel says:

    febrero 1st, 2010 at 21:06

    Pues a mi me gusta que se fomente la candidatura, me parece que tiene mucho más sentido Zaragoza-Pirineos que Barcelona (esquí en una ciudad con puerto parece poco creíble) y si es verdad todo eso que se dice, y que tú nombras (O Pirineo ye más amán de Zaragoza que de Barzelona, Si se fa de manera sostenible sera bueno ta tot Aragón o Cal creyar empleyo) pues me parecerá mucho mejor.

  3. Chuan Chusé Bielsa Alquézar says:

    febrero 1st, 2010 at 22:12

    No entiendo guaire bien tanto entusiasmo y tantos diners invertitos en un proyeuto que se materializarba en cualsiquier caso en 2022… Pero ye muito posible que una altra candidatura gane a Zaragoza-2022, un altra vegada… Y no m’estoi referindo a Barzelona/Pirineus. En cualsiquier caso, no soi afizionato a o esquí. Ta yo a cuestión capital ye trigar o márqueting más adecuato ta promozionar o Pirineo y a nuestra gran naturaleza aragonesa en cheneral. Y creigo que o camín lo siñala Croazia: “El Mediterráneo tal como era”. A chen cada vegada aprezia más a naturaleza en estato puro. Si en Aragón somos capazes de conservar como cal os nuestros paisaches (UNICOS) y o nuestro patrimonio molimental (ESZEUZIONAL), que no pasen pena las nuestras autoridaz, que o esdevenidero ye más que asigurato (muitismos puestos de treballo se pueden creyar siguindo ista linia de respeto total a la naturaleza y a o nuestro patrimonio paisachistico).

  4. Resumen d’o 2010 en purnas.com | Purnas en o zierzo says:

    diciembre 30th, 2010 at 12:49

    […] 01: Prenzipia a enrestida olimpica (3) […]

Dixa un comentario