O maitín de San Balero

viernes, enero 29, 2010 16:24
Publicado en la categoría prexinando, purnas

Ye un d’ixos maitins polius de Zaragoza. A chen se mete a muda y sale ta la carrera a dixar-se bier, a lebar os crios a beyer os chigans bailando y a fer-se fotos con O Morico u O Forano. Ye o diya d’o patrón y a ziudat que tantas begadas se tranca en as suyas cantonadas y replazetas, sale a bibir y a respirar. As carreras esdebienen espazios ta conbibir, chugar, cantar, danzar, aimar y arreguir-se.

Ta yo tamién tienen remeros foscos. Suposo que no nomás ta yo. Mientres años A Seo yera un d’ixos espazios trancaus d’a ziudat. Antis d’a restaurazión yera un forau fosco que nomás s’ubriba ta San Balero. Remero ir, de chicorrón, d’a man d’a mia yaya dondiando por o zentro d’a ziudat, dica que remataba a misa en o Pilar. Allora yera l’inte d’amanar-se a fer un pochón a o patrón de Zaragoza. Remero o fosco que yera tot, remero a negrura d’una ilesia gran como A Seo, plena de güellos apagaus que se te miraban dende os pedestals. Allora t’amanaban un brazo tallau, tallau y labrau en plata, yera o brazo muerto d’un bispe muerto. Yo con sais, siete o güeito años eba d’amanar os labios y fer-li un pochón pleno de medrana y una mica de fastio. Yera l’unico inte fosco d’un diya á ormino soleyau y con zierzo zereño bufando dende a bal d’o rio. Dimpués te minchabas o roscón, redolau por a tuya chen, os tuyos yayos y pais y tios.

Agora o diya continua estando soleyau. Somos menos chen en a familia porque a bida con a foscor o con a claredat, contina entabán. Agora ya no boi a adorar o brazo de San Balero, pero contino minchando roscón, baixando a beyer os chigans, sentindo a mosica en as carreras y dixando que o zierzo, zereño o feble, me bufe en a cara con a rabia d’o tiempo que ha pasau y o tiempo que encara mos queda por bibir.

Puedes dejar una respuesta, o un trackback desde tu sitio.

3 Respuestas to “O maitín de San Balero”

  1. Bitacoras.com says:

    enero 29th, 2010 at 16:24

    Información Bitacoras.com…

    Valora en Bitacoras.com: Ye un d’ixos maitins polius de Zaragoza. A chen se mete a muda y sale ta la carrera a dixar-se bier, a lebar os crios a beyer os chigans bailando y a fer-se fotos con O Morico u O Forano. Ye o diya d’o patrón y a ziudat que t…..

  2. guillermo says:

    enero 31st, 2010 at 18:35

    Buenas
    llevo algunos añicos leyéndote, últimamente con alguna dificultad más, pero aquí andamos, el tema es que acabo de pasarme de bloglines a google reader y al ver tus últimos posts, google ha tenido la amabilidad de traducir a algo así como fablenglish y me he quedado de piedra, por un momento he pensado que realmente lo habías escrito así xDDDDD

    “Ye un d’IXOS maitins Polius of Zaragoza. Chen gets to move in and out ta the race is dixar-bier, to you kids to beyer Lebar chigans you dancing and fer-se fotos with O or O Forano Morico. Ye or diya ziudat d’or pattern and that many will latch on as begadas his Cantonese and replazetas, goes bibir and breathe. As racing esdebienen espazio ta conbibir, chug, singing, dancing, aimbot and arreguir-se.”

    solo era eso 
    saludicos 😉

  3. Chorche says:

    febrero 1st, 2010 at 13:43

    Jajaja, que bueno, Guillermo! Gracias!!! 🙂

Dixa un comentario