A nueba conzenzia global y os pensamientos conberchens: Irekia y Bloglíticos

miércoles, enero 27, 2010 21:12
Publicado en la categoría purnas

Istos diyas soi beyendo capitol dezaga capitol de Fringe, como diz un amigo de yo, os “X-Files” d’o sieglo XXI. Tamién, por feitos que no bienen a lo caso, y sobre tot, sin mercar o libro, he prenzipiau a leyer “El símbolo perdido” de Dan Brown. Por atra parti, tamién beyé l’atro diya un reportache en a telebisión sobre inbestigazions en o terreno d’as posibilidaz d’a mente. Qué tien tot isto que beyer dentre si? Pues que en os tres puestos fablaban d’una espezie de conzenzia global, d’un gran chenerador de prexins, pensamientos y intelichenzia feito d’a propia enerchia d’o ser umán.

Toz somos enreligaus, bien a dizir iste pensamiento que podez leyer en webs como ista de Global Consciousness d’a unibersidat de Princeton, o una mica más dillá por as suyas implicazions seudorelichiosas en The Intention Experiment. Ye por ixo que no truca o ficazio o feito que a chen que mos mobemos en campos parellans, de begadas tiengamos as mesmas ideyas. Tos somos enreligaus.

Fa cuasi un año, en febrero de 2009, dende Aragoneame enzetamos o proyeuto Blogliticos, un adibidor de blogs de politicos en Aragón. Tenebamos esclatero que l’alazet d’o proyeuto yera a conbersazión, y por ixo, cuan charremos con Marina Nogué ta que pensase un logo, estiemos fablando de fer una boira de bocadillos de colors esferens. Marina, a la que trobamos tanto a faltar que no emos borrau ni borraremos os suyos contautos en as nuestras achendas, fazió un logo, mui domestico, mui rapedo que leba en o proyeuto dende o prenzipie. O logo mos salió de baldes, fueras d’un te que conbidemos a Marina.

 

 

Logo de Marina Nogué para Blogliticos

Logo de Marina Nogué para Blogliticos

Istos diyas o Gobierno basco ha presentau un portal de “Open Government” que le’n dizen, o Gobierno ubierto. Se diz Irekia y ye alazetau en a conbersazión. Por ixo no ye d’estraniar que aigan teniu a mesma ideya que nusatros y o suyo logo s’alazeta en bocadillos de comics de colors esferens, posaus en forma d’arbol (de Gernika, se suposa).

 

 

O logo d'Irekia

No se esautamén o pre d’o diseño d’o logo, encara que a presentazión d’o proyeuto si que sabemos que costó 43.000 euros. Pero bueno, cal dizir que han enzertau si se trataba de fer un logo que charra-se d’a partizipazión y a conbersazión. A qué si?. Cosas d’a conzenzia global.

 

 

Puedes dejar una respuesta, o un trackback desde tu sitio.

2 Respuestas to “A nueba conzenzia global y os pensamientos conberchens: Irekia y Bloglíticos”

  1. Bitacoras.com says:

    enero 27th, 2010 at 21:13

    Información Bitacoras.com…

    Valora en Bitacoras.com: Istos diyas soi beyendo capitol dezaga capitol de Fringe, como diz un amigo de yo, os “X-Files” d’o sieglo XXI. Tamién, por feitos que no bienen a lo caso, y sobre tot, sin mercar o libro, he prenzipiau a leyer “El símbolo pe…..

  2. Burg says:

    enero 27th, 2010 at 23:12

    Quina coincidència! Felicitats pel vostre logo i per la vostra ideia.

Dixa un comentario