As Olimpiadas d’ibierno en Zaragoza

domingo, enero 24, 2010 17:47
Publicado en la categoría purnas

Si teneba bella duda d’a mia posizión sobre as Olimpiadas d’Ibierno en Zaragoza-Uesca-Chaca-Pirineos güé o siñor alcalde de Zaragoza ha rispuesto a totas. O siñor alcalde d’a macrobandera d’España, o siñor alcalde que creye en si mesmo como o profeta que fazió a ziudat en 7 diyas y que mesmo tiene o suyo Ebanchelio ha contestau as custions que l’han feito dende l’Heraldo d’Aragón en ista entrebista. Dentre atras cosas o siñor Alcalde diz isto:

Lo que pasa es que no puede ser que una comunidad declare todo el día que es una nación y después, para algo que le interesa, de repente le importe la nación española. Es una permanente contradicción. Hay mucha gente que piensa, aunque no sea el caso de Hereu, estoy convencido, que si gana Barcelona serán los Juegos de la nación de Cataluña, sobre todo los que son independentistas. En el caso de Zaragoza, los Juegos serán de la nación española. Aquí nadie juega al independentismo. Eso le crea dificultades a Barcelona. Como le crea dificultades que se multe por utilizar el español. En Aragón hacemos esfuerzos de verdad por tener una buena relación con Cataluña, pero lo cierto es que no se dejan.

As Olimpiadas d’ibierno pues no nomás son contra os catalans y os “independentistas” de totas as nazions sino que, antimás, estarian os Chuegos Olimpicos d’a “nazión española”. No ye ista una custión menor, ye esclatero, porque antimás d’a destruzión d’as montañas, a especulazión salbache y l’enriquimiento d’os de siempre, abrianos de suportar tamién una intensificazión d’o prozeso desaragonesizador y españolizador que prenzipió fa tantos sieglos en o país. Ye, allora, unatra razón ta oposarse a la zilebrazión d’istos Chuegos en Aragón. O discurso de Belloch, antimás, leba incluyidas bellas meyas berdaz, una crida contra os catalans y a descalificazión d’os que mos oposamos a sentir ixe “sentimién” unico español que tanto goyo li fa a Belloch. No ye a primer begada, ya mos han dito “antitot”, o propio alcalde mos dizió “indios” y agora ya direutamén, diz que no esistimos.

Antiparti d’isto alticama a sensazión de que os nuestros politicos nomás quieren mirar entabán a golpe de “eventos”. Se refirman en que ixo ye bueno ta o país en forma d’infraestruturas, que, curiosamén, en atros puestos, sin Expos ni Olimpiadas, tienen feitas dende fa años. Ziudaz y zonas que tienen serbidumbres con l’exerzito (como tiene Zaragoza en forma de tierras, edifizios y bases aereas) tienen ixas infrastruturas como compensazión y nusatros parixe que nomás emos d’adebantar planteyando autos y más autos que de manera defizil son compatibles con o desembolique sostenibla con o que s’implen a boca os nuestros politicos.

Nomás cal beyer en que ha quedau a Expo Zaragoza, os proyeutos d’Aramón en Formigal o Castanesa, o proyeuto de Gran Scala…ta adebantar que unas Olimpiadas aragonesas no serbirían que ta emplir de diners as pochas de buena ripa de politicos y asesors y de tochos as zonas naturals d’Aragón. Ixo sí, tot guarniu de banderetas d’España por si de caso se siente a boz d’ixos que diz Belloch que chugamos a l’independentismo. O no, que parixe que no esistimos pas.

Presonalmén, me ye igual que as Olimpiadas se faigan en Barzelona, Santiago de Chile o Tombuctú, pero yo no quiero unas Olimpiadas d’Ibierno (españolas o no) en o mío país.

Puedes dejar una respuesta, o un trackback desde tu sitio.

5 Respuestas to “As Olimpiadas d’ibierno en Zaragoza”

  1. Bitacoras.com says:

    enero 24th, 2010 at 17:48

    Información Bitacoras.com…

    Valora en Bitacoras.com: Si teneba bella duda d’a mia posizión sobre as Olimpiadas d’Ibierno en Zaragoza-Uesca-Chaca-Pirineos güé o siñor alcalde de Zaragoza ha rispuesto a totas. O siñor alcalde d’a macrobandera d’España, o siñor alcalde que creye e…..

  2. Prudenzio says:

    enero 24th, 2010 at 19:01

    Cosa rariza. Os politicos d’Aragón con pedigrí y los cuneros ya seigan naxius, por casualidad en Aragón pero bien amamantaos en madril, fan,, dizen, piensan igual y en la mesma posizion genuflexa; fendo una güellada enta Catalunya ta mostrar os diens, mueser-ne y voziferar, y lo culo enta Madril ta goyo d’os suyos correlichionarios y capos d’España, aqueros que admiten sin rechistar as peculiaridades d’Andalucia, Valenzia, Catalunya, Galizia…; En compensazión mos dan un estatuto de segunda, una Financiazión de segunda, una Ley de luengas de segunda y con compensaziones como: signalón chunto a lo Chustizia de primera, campo melitar de maniobras de primera chunto a hospital melitar ta uso obligau d’os aseguraos cibiles ta abaratar os costes y a masamas la tropa van a la sanidad conzertada, aeropuerto melitar con controladors baratos, Capitanía Cheneral que ya no funcia y que no dan ta Aragón. Pero antimás Juan Alberto, d’a mesmas trazas que Aznar, sin complechos co. ¿Se puede estar aragonés y español y no morir en la tacada? U ¿ solo se puede estar español estilo made in Madril, as Castiellas o adlaters?.

  3. Amigo says:

    enero 24th, 2010 at 19:39

    Yo lo que pienso es que con la maltrecha economía que padecemos, la cuestión es si nos podemos permitir el gasto que supondrían para no tener ninguna rentabilidad, como fue el caso de la Expo, o generar mas deudas, (aunque siempre hay gente que algún interés tiene que le resulta rentable, véase votos o algún negocio particular), aunque si lo que se trata es de tener una cortina de humo perenne, para tapar la realidad de las cosas, o endulzar la agriedad del día a día, paro, etc. y mantener una ilusión permanente del estilo romano de “pan y circo”, pues deberíamos estar en contra independientemente de donde se celebren, y mas si se celebran aquí porque nos afectará mas directamente, gracias.  

  4. shazz says:

    enero 25th, 2010 at 14:48

    Resulta curioso la facilidad con la que se hace anticatalanismo en este país, y la rapidez con la que se extienden estas ideas radicales convertidas en evangelio para gran sector de la sociedad aragonesa. La semana pasada estuve en Granada y salí a comer por ahí con mis tías. Pues una de ellas, andaluza y sin relación alguna con Aragón aparte de que dos de sus sobrinos vivimos aquí, me soltó “de plás”: Vaya con los catalanes, que ahora os quieren quitar las olimpiadas no?? ¿Y lo de que os va a hacer falta hablar el catalán para trabajar de funcionarios?…

  5. Chuan Chusé says:

    enero 26th, 2010 at 0:43

    Lo que no sé ye por qué no se charra con muito más rigor cuan cal charrar con rigor, y sobretot por parti d’as autoridaz. M’estimo Cataluña y o catalán y me fa mal cuan se fabla inchustaménen d’os nuestros amigos d’o Este (a lo menos ta yo Cataluña no solamén ye amiga, sino que aimo a cultura catalana). No toz somos perfeutos (ni por suposau os catalans), pero cal prebar de ser más ochetivos cuan se fabla de cuestions delicatas. Si queremos un proyeuto ilusionán, ¿por qué no se fa un gran plan ta salvar d’o desastre a muitismos paisaches maravillosos d’Aragón que son dixaparixendo? Aragón yera un PARADISO NATURAL, y lo estamos destruyindo. Entaván Cataluña, entaván Aragón, pueblos chirmans.

Dixa un comentario