4 años

sábado, enero 23, 2010 22:45
Publicado en la categoría prexinando, purnas

Güé fa cuatro años que prenzipiaba un nuebo camín en Zaragoza. Yera a tornada enta casa dimpués de 6 años. De begadas siento a pulsión de dizir que fazié mal. Tamién atras siento a ilusión de fer cosas en a mía ziudat, en o mio país, con a mía chen. Y con a mesma ilusión y de begadas una mica de tristura me pienso en l’atra mia chen, ixa que no ye en Zaragoza y a la que trobo a faltar asabelas begadas.
Creigo por atra parti que fazié bien porque aprendié a triballar en una telebisión, a editar bideos, a locutar. Tamién porque en istos cuatro años he conoxiu dentro y fuera d’o triballo que han esdebeniu compañers y bels d’ellos amigos. Pienso en toz os proyeutos que he prenzipiau en istos 4 años, en os que encara continan y en os que no. Pienso en as begadas que he puesto quedar con chen a la que antis nomás beyiba un par de begadas a l’año. Y tamién en ixa atra chen a la que agora nomás beigo un par de begadas a l’año.

Pienso tantas cosas que encara no se si fazié bien y a la begada me pienso que si que fazié bien. Son cuatro años y tienen luzes y güembras, como ye de dar. Y o mesmo tono d’o post ya diz o que siento agora, dimpués de pensar-me tot lo diya ista nota. Zaragoza ye agora a mia casa, como tantos años, pero de begadas me noto as ganas de fer o camino ta zaga, encara que estase un camino entabán. Porque encara que bibamos ficaus dica o melico en o mesmo río, as auguas nomás pasan una begada, encara que a begadas mos pensemos en o mismo lugar.

Quedan años, ganas y enerchías ta continar entabán.

Puedes dejar una respuesta, o un trackback desde tu sitio.

3 Respuestas to “4 años”

  1. Bitacoras.com says:

    enero 23rd, 2010 at 22:46

    Información Bitacoras.com…

    Valora en Bitacoras.com: Güé fa cuatro años que prenzipiaba un nuebo camín en Zaragoza. Yera a tornada enta casa dimpués de 6 años. De begadas siento a pulsión de dizir que fazié mal. Tamién atras siento a ilusión de fer cosas en a mía ziudat, en o m…..

  2. Chuan Chusé Bielsa says:

    enero 24th, 2010 at 1:56

    O tono de l’articlo fa evidén un sentimiento que yo creigo que ye prou común en as personas. En a nuestra vida bi ha abiu muitos camins posibles… pero no ye estato posible seguir-los toz. Ha caliu trigar. Y nunca no sabremos si o camín eslechiu ye “o millor”. Bi ha muitos criterios que cal valurar ta seguir un camín y no pas altro. Se puede dar prioridà a una vocazión, a una relazión afeutiva, a una pasión… Seguntes nos rezentas, o camín que has trigato tien aspeutos muito positivos, asinas que a tuya endrezera ye buena y as tuyas eleuzions han estau intelichens.

  3. Marc says:

    enero 24th, 2010 at 10:45

    Molt Maco Jorge. Al fnal aprendré a parlar aragonès i tot amb el teu bloc…

Dixa un comentario