Bizepresidenzia d’o Gobierno destina diners de desembolique rural ta un zentro de l’Opus

viernes, enero 8, 2010 19:11
Publicado en la categoría purnas

En istos tiempos que somos bibindo ye esclatero que toz somos responsables d’o meyo, d’o meyo ambient, digo. A natura ye cosa de toz y profés, que toz tenemos a nuestra parti en a suya bida y riqueza. Por ixo no ye rarizo que o Gobierno d’Aragón que chuga con os diners de toz os aragoneses, emplegue beluns d’ixos diners ta fer os posibles t’alzar o nuestro patrimonio natural y poder desembolicar economicament as zonas naturals y rurals d’una manera sostenible. Si que n’emplega en ixo, que no soi dizindo o contrario, fueras que tamién emplegue por atra parti en trencar ixe patrimonio, bia aparcamiento o bia Aramón, o bia Gran Scala.

Güé, o Boletín Ofizial d’Aragón fa publicos os alcuerdos, dezisions, tramites o nombramients d’istas zagueras semanas. Dentre d’ellas, en o resumen mos dizen que Bizepresidenzia ha aprebau isto: “ORDEN de 28 de diciembre de 2009, del Vicepresidente del Gobierno, por la que se dispone la publicación del convenio de colaboración, entre el Ministerio de Medio Ambiente, y Medio Rural y Marino y la Comunidad Autónoma de Aragón, para el desarrollo de un programa piloto de desarrollo rural sostenible en siete zonas rurales y una reserva de la biosfera.”

En o desglose d’as autuazions incluyitas podemos beyer, en efeuto que bi ha 7 zonas rurals que rezibirán diners (Semontano de Balbastro, Monegros, Sobrarbe y Ribagorza, Ordesa y Posets, Belchite, Cariñena, Gúdar-Javalambre y Matarranya). En o desglose por zonas, sin dembargo, truca o ficazio una d’as autuazions en o Semontano, dentre atras sobre Enerchías Esbiellables, turismo autibo o cultius ortofruticolas beyemos isto:

Centro de Interpretación Escriba de Balaguer. Barbastro. 60.000

A o marguin d’a errada ortografica en o nombre d’o Santo, 60.000 euros de programas de meyo ambient adrezaus a un zentro d’interpretazión d’o fundador (aragonés, ixo sí) de l’Opus Dei a ser construyiu en Balbastro. Asinas mos esplanican o proyeuto os empresarios d’a ziudat d’o Bero. Podez leyer a resta de proyeutos que estarán finanziaus con iste alcuerdo y bi’n ha beluns que pueden discutir-se, como parkings, iniziatiba pribada o albergues de montaña, pero iste de Balbastro, se leba o lumero 1 en diners gastaus en cualcosa que no siga ta o que son destinaus.

Puedes dejar una respuesta, o un trackback desde tu sitio.

8 Respuestas to “Bizepresidenzia d’o Gobierno destina diners de desembolique rural ta un zentro de l’Opus”

  1. Bitacoras.com says:

    enero 8th, 2010 at 19:12

    Información Bitacoras.com…

    Valora en Bitacoras.com: En istos tiempos que somos bibindo ye esclatero que toz somos responsables d’o meyo, d’o meyo ambient, digo. A natura ye cosa de toz y profés, que toz tenemos a nuestra parti en a suya bida y riqueza. Por ixo no ye rarizo que…..

  2. aragoneame.com says:

    enero 8th, 2010 at 19:49

    Bizepresidenzia d’o Gobierno destina diners de desembolique rural ta un zentro de l’Opus…

    Centro de Interpretación Escriba de Balaguer. Barbastro. 60.000 A o marguin d’a errada ortografica en o nombre d’o Santo, 60.000 euros de programas de meyo ambient adrezaus a un zentro d’interpretazión d’o fundador (aragonés, ixo sí) de l’Opus Dei a se…

  3. Borinot says:

    enero 8th, 2010 at 20:48

    Umildemén te boi á fer un par de correuzions: “bels d’ixos diners” —> beluns d’ixos diners, “bi ha bels”—> ne b’ha/bi’n ha beluns. Fueras d’ixo, fas serbir un aragonés prou bueno. Mui buena ista iniziatiba d’escribir nomás en aragonés. Entabán!

  4. Chorche says:

    enero 8th, 2010 at 20:51

    😉 Grazias por as correuzions y as felizitazions 😉

  5. Angel says:

    enero 9th, 2010 at 0:29

    Por desconocimiento, no me atrevo a escribir en aragones lo siguiente, pero me apetece decirtelo: adelante con tus artículos en aragones!!
    Vamos dando pasos!
    Por otro lado, alucino con el poder que tienen todavía algunos sectores sectarios…

  6. Prudenzio says:

    enero 10th, 2010 at 18:44

    Ta pitxar y no chitar pas chisla.

  7. 39escalones says:

    enero 11th, 2010 at 9:38

    Por su Obra los conoceréis… Ánimo con ese cambio de lengua, aunque a algunos nos cuesta un poquito, hay que arrimar el hombro.

  8. Resumen d’o 2010 en purnas.com | Purnas en o zierzo says:

    diciembre 30th, 2010 at 12:48

    […] 08: Bizepresidenzia d’o Gobierno destina diners de desembolique rural ta un zentro de l’Opus (7) […]

Dixa un comentario