Iste año no bi abrá premio “Ziudá de Balbastro”

jueves, octubre 29, 2009 11:06
Publicado en la categoría de l'aragonés, purnas

Me nimbian iste mail an esplanican que iste año no s’ha conbocau un d’os premios en aragonés más importants. Fa bels años que se declara disierto atamás que bi ha obras presentadas, pero iste año sisquiá ha estau conbocau. L’articlo ye d’a chen de Fendo Orella, un sobrebuen programa de Radio Topo, de raso en aragonés.

“O conzello de Balbastro deixa de combocar o premio de nobela curta en aragonés “Ziudá de Balbastro” qu´iste año abría de zelebrar a suya seisena edizión.

¿A razón? dengún no la sabe, talmén siga la crisis, talmén l´aragonés no siga rentable, lo zierto ye que ya en feba d´años qu´encara que se i presentaban obras o premio se declaraba desierto, pero ista edizión ya no ye que se declare desierto, ye que ni sisquiera se comboca.

Una pena que se cazegue un premio d´ista mena, considerau un d´os millors d´a literatura en aragonés y d´an que i salion nobelas como “Aguardando lo zierzo” d´Anchel Conte, una d´as obras maestras d´a literatura aragonesa y que ye considerada por muitos una d´as millors nobelas escritas en o sieglo XXI.

Por ixo, dende Fendo Orella queremos instar-tos a busatros que mos sentiz semana zaga semana a nimbiar un e-mail a o Conzello de Balbastro ta que contine combocando iste premio, porque, o millor de tot, ye que o anunzian en a web como un d´os suyos concursos anuals, manimenos, no apareixen por garra puesto as bases d´iste concurso, qu´abria de finalizar o suyo plazo de presentazion a prenzipios d´o 2010, pero sí d´a resta. Talmén siga muit poliu de fer creyer a la chen que o Conzello de Balbastro fa cosa por l´aragonés cuan en reyalidat, no se fa ni zarrapita ni pon.

Fendo Orella

Puedes dejar una respuesta, o un trackback desde tu sitio.

2 Respuestas to “Iste año no bi abrá premio “Ziudá de Balbastro””

  1. Bitacoras.com says:

    octubre 29th, 2009 at 11:07

    Información Bitacoras.com…

    Valora en Bitacoras.com: Me nimbian iste mail an esplanican que iste año no s’ha conbocau un d’os premios en aragonés más importants. Fa bels años que se declara disierto atamás que bi ha obras presentadas, pero iste año sisquiá ha estau conbocau. L’…..

  2. Concursos literarios en aragonés: Barbastro y Bielsa | Purnas en o zierzo says:

    diciembre 3rd, 2009 at 18:53

    […] y quitando la razón a lo que publicaba aquí hace unas semanas, el Ayuntamiento de Barbastro sí que ha convocado el Premio Ziudá de Balbastro de novela en […]

Dixa un comentario