A lei de luengas no ye un compromiso de Iglesias

jueves, septiembre 17, 2009 18:25
Publicado en la categoría de l'aragonés, purnas

En o debate sobre política cheneral d’Aragón o president d’iste país nuestro, esdebeniu rechión española ta uns y atros, ha feito una cosa que nunca no eba feito. Marcelino Iglesias, catalanofablán, no ha prometiu que aprebará a lei de luengas. Asinas de simple.

Ye a primer begada que en diez años no fa ixa promesa (que nunca no cumple). Iglesias ha feito 50 promesas que tirará entabán d’aqui a lo cabo de lechislatura (ye dizir, en o 2011). Dentre ixas, bellas como potenziar Motorland, o fer d’a Expo un Parque Empresarial, ye dizir, promesas que son como si no las fese, porque se suposa que ya son fendo-se. Atras, que no dependen d’el, como a Trabiesa zentral por o Pirineo, a transizión total enta la TDT de Aragón, o restaurar as zonas afeutadas por fuegos iste estiu. Y más encara, atras, que son ellos mesmos qui l’has han aturadas como a restaurazión d’o teyatro Fleta, ubrir a Seo de Tarazona o instalar o Museo Goya d’Aragón en Zaragoza.

Ye dizir, 50 promesas que no son cosa y dos que no’n ha feito, dimpués de diez años fendo-las. A lei de luengas (ya presentada en as Cortes) y a lei de montañas (que tampoco no ferán nunca).

Ye dizir, que en os dos años que quedan de lechislatura, “Biel mediante”, os dreitos de 80.000 aragoneses continarán estando biedaus. Dreitos umans, dreitos reconoxius por a Carta d’os dreitos umans, a Carta Unesco sobre luengas minorizatas, a Constituzión d’España, a  Lei de Patrimonio Cultural d’Aragón y mesmo l’estatuto d’Aragón.

Ye dizir, que Iglesias conculca os dreitos suyos y d’a suya familia, catalanofablan de Bonansa, y con ixos, os de toz os aragoneses que abendo naxiu, crexiu, bibiu y bosau impuestos en Aragón, no tienen os mesmos dreitos que la resta d’os aragoneses.

Puedes dejar una respuesta, o un trackback desde tu sitio.

2 Respuestas to “A lei de luengas no ye un compromiso de Iglesias”

  1. Bitacoras.com says:

    septiembre 17th, 2009 at 18:25

    Información Bitacoras.com…

    Valora en Bitacoras.com: En o debate sobre política cheneral d’Aragón o president d’iste país nuestro, esdebeniu rechión española ta uns y atros, ha feito una cosa que nunca no eba feito. Marcelino Iglesias, catalanofablán, no ha prometiu que…

  2. prudenzio says:

    septiembre 17th, 2009 at 22:00

    pos ties tota la razon y la berdá; asinas de raso platero. Ye un estrapaluzio d’os grans, pero a mas a mas ye lo normal en ista rechion, país, comunidat o nazion. Da muita tristura y ganas de plorar.

Dixa un comentario