¿Cuenta entazaga ta una lei de luengas?

lunes, junio 29, 2009 15:58
Publicado en la categoría de l'aragonés, purnas

Ayer y güe os meyos aragoneses han escrito sobre a lei de luengas. Unatra begada, quiero dizir. Ye de dar que cada begada que “o PSOE leba enta as Cortes a lei de luengas” o que “Marcelino Iglesias promete una ley de lenguas”, cal remerar totas ixas atras begadas en que han feito ixa proposa y nunca no l ‘han cumplida. Sin tirar dillá d’ista zaguera lechislatura, Marcelino Iglesias prometié en 2007 que en o primer año de lechislatura abría una lei de luengas. Ya ba ta dos años y meyo y encara somos asperando-la.

O Periodico que dizen d’Aragón ya deziba ayer que o PSOE tirará entabán con a lei sin o PAR y ta dimpués de l’estiu.

Güe li sigue l’Heraldo (tamién dito d’Aragón) y tot y que no esta en a suya web, tos puedo dizir que nomás charraban d’o catalán. Tamién en o Periodico güe sale un chicot articlo d’a seczión d’o “Sapo” an diz que “a lei de luengas dibide a o Gobierno“.

No son nuebas garra d’as dos cosas, digo, que l’Heraldo se zentre en o catalán y que salga, nomás escribir sobre a lei, a dibisión de o Gobierno. Que ye curioso que a corrupzión no lis dibida y as luengas sí. Istas dos notizias de güe chuntas son l’antezipo d’o que mos aspera.

O PSOE leba a lei t’as Cortes cuan ya no bi ha sesión, asinas que dica dimpués de l’estiu de cuatro meses que tienen os nuestros politicos no se debatirá sobre a lei. En istos cuatro meses, o PAR, os suyos frikis, y os meyos de comunicación que asinas creigan que “esfienden Aragón” tienen tiempo de sobras ta enrestir contra a lei, contra o catalán, contra os catalans, contra os aragonesofablans, contra l’aragonés y contra una norma que ye tan de menimos que sisquiá en Zaragoza se podrá charrar con l’almenistrazión en aragonés y catalán. (Y cuan digo Zaragoza digo siede de Gobierno d’Aragón)

Cuan tornemos de l’estiu, y dimpués d’ixa campaña, estará fazil ta o PSOE tornar a retacular a lei y dizir que no bi ha consenso, que bi ha alarma sozial, y recollir a lei d’o rechistro ta tornar-la a ficar en un calaxo. Ixa ye una posibilidat, l’atra, más difizil, sin garra duda, ye que o PSOE repleque que ya que no tiene o refirme d’o PAR faiga una lei como cal, con cofizialidat, con amostranza y sin dixar en mans d’os Conzellos l’aplicazión d’a mesma.

¿Cuala creyez que pasará? Yo no tiengo dudas…

Puedes dejar una respuesta, o un trackback desde tu sitio.

2 Respuestas to “¿Cuenta entazaga ta una lei de luengas?”

  1. Bitacoras.com says:

    junio 29th, 2009 at 16:59

    Información Bitacoras.com…

    Valora en Bitacoras.com: Ayer y güe os meyos aragoneses han escrito sobre a lei de luengas. Unatra begada, quiero dizir. Ye de dar que cada begada que ?o PSOE leba enta as Cortes a lei de luengas? o que ?Marcelino Iglesias promete una ley de lenguas?….

  2. shazz says:

    junio 30th, 2009 at 11:24

    Léete el artículo de hoy de Trasobares!

Dixa un comentario