Manifestazión por as luengas; un diya istorico

Domingo, mayo 17, 2009 19:23
Publicado en la categoría de l'aragonés, purnas

Ambiesta d'a manifestazión. Foto: J.P. Martínez

Ambiesta d'a manifestazión. Foto: J.P. Martínez

Arredol de mil presonas mos apleguemos ayer en a manifestazión ta demanar una lei de luengas que guaranzie os dreitos y a igualdat churidica t’as tres luengas d’Aragón, l’aragonés, o catalán y o castellán. Estió un diya istorico, fueras de ausenzias siñaleras, porque por primer begada asoziazions d’esfensa d’o catalán y l’aragonés, se metión d’alcuerdo ta fer una manifestazión reibindicatiba.

Dos cosas me fazión goyo d’a manifestazión. D’una man, a presenzia de un camatón de ninos y ninas, que fan que as nuestras luengas tiengan futuro. D’atra, a presenzia de fablans mayors d’o catalán y de l’aragonés que querión salir ta la carrera a esfender o patrimonio que mos trasmiten.

A berdat que as prebisions se quedón curtas y bellas mil presonas dezidiemos fer una gambada baxo lo sol. Yo pasé bella parti d’o recorriu saludando chen, de mundos diferens, de coleutibos diferens, de chens d’a politica, d’a cultura, catalanoparlants, aragonesofablans, y estió una marabiella sentir, con normalidat, que a chen se comunicaba en as tres luengas sin garra problema en un ambién festibo y que remató en una chenta popular con teyatro, mazadas, presentazions de coleutibos como o Taller d’aragonés de Barcelona, o coleutibo Ziesma de Tarazona, o programa Fendo Orella, os problemas en as escuelas d’o Matarranya an quieren quitar l’amostranza en catalán, o a fuerza d’as mayestras de Fraga.

Istas son bellas imachens d’a manifestazión y a borina. Iste ye lo color d’un Aragón trilingüe que no se resinna a dixar tresbatir o suyo patrimonio cultural. Iste ye l’Aragón que fabla y parla y que diz “Sorolla’t!”, “Muebe-te!”. Por a igualdat d’as luengas d’Aragón.

Puedes dejar una respuesta, o un trackback desde tu sitio.

4 Respuestas to “Manifestazión por as luengas; un diya istorico”

  1. Bitacoras.com says:

    mayo 17th, 2009 at 19:23

    Información Bitacoras.com…

    Valora en Bitacoras.com: Ambiesta d’a manifestazión. Foto: J.P. Martínez Arredol de mil presonas mos apleguemos ayer en a manifestazión ta demanar una lei de luengas que guaranzie os dreitos y a igualdat churidica t?as tres luengas d?Aragón, l?ara…

  2. shazz says:

    mayo 18th, 2009 at 6:46

    Me alegro de que la manifestación fuera un éxito. Lástima que la repercusión que se ha dado en ciertos medios sea la misma que a 15 hooligans cazurros aficionados a la filología… Je je je…

    (por cierto, vaya movida el otro día con la vecina..)

  3. Estiemos « Esconxuradero says:

    mayo 18th, 2009 at 22:46

    […] conoixer como estió a mani y beyer bellas fotos cosa millor que Purnas, Lo Finestró del Gràcia y Estricalla. As suyas cronicas aduyón a os que como yo no podiemos […]

  4. La manifestación trilingüe « Aragonando says:

    mayo 20th, 2009 at 14:28

    […] Remenches disfruta del acto sin más, manifestándose, y pudiendo encontrar a caras conocidas. Para Purnas fue un día histórico, la primera manifestación en defensa de las lenguas en la historia […]

Dixa un comentario