Buenas notizias sobre l’aragonés en Internet

viernes, marzo 6, 2009 22:04
Publicado en la categoría de l'aragonés, purnas

Grazias a os amigos de charrando.com que siempre son rechirando por Internet ta trobar tot o que se diz y se publica en aragonés he trobau dos perletas.

Por un costau, o blog d’os ninos y ninas que aprenden aragonés en L’Ainsa. Se diz “A clica de L’Aínsa“. Ye una marabiella beyer as adibinetas que fan, as parolas que aprenden, os testos que escriben. Por exemplo, Julia y Eva han escrito isto sobre l’agüerro:

Ye el tiempo cuan las fuellas des árbols caduziflolios se tornan amarillas y royas y cayen ta tierra. Es diyas s’alcurzan e las nueis s’aluengan. L’agúerro ye la estazión de recullir es coltibos de berano. Si plebe prou, podén replegar camparols en es praus, es caxigars y es pinars.

Por atra parti un proyeuto asabelo intresán, Qui ye qui, una replega de toz os autors y obras en aragonés publicaus y que se publicarán. Ye feito por l’asoziazión A estrela y patrozinau por o Gobierno d’Aragón. Asinas definen o proyeuto en a pachina web:

Quí ye Quí engalza dos ochetibos :

O primer ye amostrar tot o panorama literario en aragonés dende os suyos empezipiallos, a istoriografía dica güei. I amanexerán autors como Johan Ferrandez d’Heredia (más conoxiu como Juan Fernández de Heredia), Ana Abarca de Bolea y atros que son amagaus en o xubliu. Azagando-los irán autors d’un pasau rezién, como Veremundo Méndez, Chusé Coarasa u a larga nomina d’escritors ribagozanos. Toz os autors sin garra mena d’esclusión, que cumplan es requisitos y parametros que se son marcaus.

D’atra man se i presentarán es autors contemporanios, amás d’atras presonas de relebanzia y academicos de l’aragonés.

A presenzia de l’aragonés contina crexendo en Internet, porque dezaga bi ha chen y collas, y asoziazions que no quieren dixar a ista luenga morir. Tot lo contrario, quieren que contine crexendo, bibindo y serbindo como ferramienta de comunicazión entre presonas.

Puedes dejar una respuesta, o un trackback desde tu sitio.

Una respuesta to “Buenas notizias sobre l’aragonés en Internet”

  1. Bitacoras.com says:

    marzo 6th, 2009 at 22:04

    Información Bitacoras.com…

    Valora en Bitacoras.com: Grazias a os amigos de charrando.com que siempre son rechirando por Internet ta trobar tot o que se diz y se publica en aragonés he trobau dos perletas. Por un costau, o blog d?os ninos y ninas que aprenden aragonés en L?Ains…

Dixa un comentario