Me nimbian iste mail con a presentazión d’una obra en aragonés ansotano que se representará iste sabado en Zaragoza:

“Yésica, un abrío d’agora“, no ye  a primé comeya con chuco ansotano, pero sí ye a primé feita  en ansotano. Un proyeto  chovenallo que quie chuntá  o d´antismas y o d’agora, feito por una cuadrilla plena de  agolorio.

Tos os que treballan en a comeya son aficionaus,  enamoraus d’a cultura d’os Pirineus y d’o teatro. Yésica naxó como resultau d’os cursos d’ansotano organizaus por  a Asoz, Espelungué LFCh dintro d’a programazión ofizial d’o CPEPA “Jacetania” y fue crexendo, cutio, cutio,  tornando de sé un sketch pa celebrá o remate d’o curso a   una  comeya chicotona. Ha siu una goyosa casualidá que sen ficiera por vegada primé en o PIR 2008, o que nos plenó de contentura y  tamién de cerolla, o que en a fabla d’os comedians se clama , “miedo escénico”.

Yésica un abrío d’agora, por o tiempo de fe-lo y chuco pué calificá-se como tamén alequis que conta, con goyada morisqueta, no á falta  de cerolla, a situación  d’iste mundo globalizau d’os inventos y os trajins cruxan as búas y atañen o mesmo a lugás de fora: as tornas d’oreo, os trastes modenos.

Tamién bi-stá  cucas más d’o lugá,   como ye a vida de l’onso zaguero, a prensa d’o corazón, a plegada  de muitos foranos y a imposición de leis, que, feitas en lugás alejaus, tien poco chuco en os Pirineus.

Nos chocaría que d’ista comedia salieran as chens goyosas, habiendo pasau un  güen raté,   pero tamién con ganas de treballá por a cultura nuesa.

Pa unos novenzallos, toas istas intencions son  argucias,  pero será o espectadó qui tie que chuzgá-las  y icí-nos si hemos sabiu contá-las y amás en güen ansotano, pues, como ice  o  conoxiu escritó de comeyas   Francisco Nieva , “o que no se veye ye que no yera astí, que  no  hemos  sabiu contá-lo  bien”.

A obra se fará en o Centro Cívico de  San José – Teodoro Sanchez  Punter, o 14 febrero a las 19 h. L’adreza ye Plz. Mayor de San José, 2 de Zaragoza.

Posts relacionados:

1. ¿Por qué en aragonés?
2. Spotify en aragonés
3. Qui puede y qui no puede charrar aragonés en a telebisión
4. Seminario de introducción al aragonés
5. Más blogs en aragonés

Related posts brought to you by Yet Another Related Posts Plugin.