Promesas buedas (por l’inte)

jueves, septiembre 16, 2004 13:12
Publicado en la categoría purnas

Mientres en Aragon se feba o “Debate sobre el estado de Aragón”, Labordeta y Bizén Fuster yeran en Madrid fablando con o presiden d’o Gobierno español, José Luis Rodriguez Zapatero. Si tot o que se’n ha fablato istos diyas en Zaragoza y Madrid ese de estar berda, Aragón sereba o millor pais d’o mundo, sacando o puesto a Canadá. Carreteras, autobias, telebisión, fablas reconoxitas, consenso sobre politica idraulica. Tot goyo y liberta. Ye esclatero que ixo no estara asinas, y que l’añada benien tot tornara a ser igual. Ya no me fico con que si en a resta d’España cuasi ni saben que ayer estio ZP con Labordeta (DOS ORAS!!), como ta saber que ye o debate de l’estado d’o pais en as Cortes de Aragon, istas si, as mas biellas de Europa.
Sospresa de todas trazas en ixa rufierta parlamentaria, porque Chesus Bernal, de CHA y Jose Angel Biel d’o PAR, por primera begada dende ni se cuan, no se chiton os trastes ta la capeza. Ye o prenzipie d’un alcuerdo?. Ye o prenzipe d’un amanamen ta creyar un frente aragonés amplo?. No en creigo de berda. Ixo si que estareba una sospresa gran. Por os dos. En primeras porque as politicas idraulicas d’os caziques no son as mesmas que as d’os pobladors d’os lugars afeutaus por os entibos. Ye dizir PAR y CHA, por ixe orden. Dimpues por as bases sozioeconomicas que sustentan os dos partitos. Y por atras muitas cosas, tamien. O caso ye que cal asperar que nomás un 50% d’as promesas de Iglesias y Zapatero se’n cumplan, porque allora si que Aragon crexera, como Aragon, como espazio economico, como espazio estruturado y como espazio nazional. Pero dica que no en beigamos ixo, tot continará igual.

……

Al final, José María Aznar comparecerá en la Comisión. Chincha rabia, el PP ha pedido la comparecencia de Rodriguez Zapatero. ¿Me puede recordar alguien quien mandaba en España el día 11 de marzo?.

Puedes dejar una respuesta, o un trackback desde tu sitio.

Dixa un comentario